Southern Inter School & Inter College YOGASANA Sports Championship 2025

 ദക്ഷിണ മേഖല ഇന്റർ സ്കൂൾ & ഇന്റർ കോളേജ് യോഗാസന സ്പോർട്സ് ചാമ്പ്യൻഷിപ്പ് പുതുപ്പള്ളി സെന്റ് ജൂഡ്സ് ഗ്ലോബൽ സ്കൂളിൽ അരങ്ങേറി.

കോട്ടയം: ദക്ഷിണ മേഖല ഇന്റർ സ്കൂൾ & ഇന്റർ കോളേജ് യോഗാസന സ്പോർട്സ് ചാമ്പ്യൻഷിപ്പ് 2025 നവംബർ 22-ന് കോട്ടയം ജില്ലയിലെ പുതുപ്പള്ളി, തലപ്പാടിയിലുള്ള സെന്റ് ജൂഡ്സ് ഗ്ലോബൽ സ്കൂളിൽ അരങ്ങേറി. 

അഷ്ടാംഗ സ്കൂൾ ഓഫ് യോഗ & സ്പോർട്സ് യോഗാസന ട്രെയിനിംഗ് സെന്റർ, പത്തനംതിട്ടയുടെ നേതൃത്വത്തിലാണ് ഈ വർഷത്തെ ചാമ്പ്യൻഷിപ്പ് സംഘടിപ്പിച്ചത്. സംഘടിപ്പിച്ചത് കോട്ടയം ജില്ലയിൽ നിന്നുള്ള  വിവിധ സ്കൂളുകളിലും കോളേജുകളിലുമുള്ള വിദ്യാർത്ഥികൾ പങ്കെടുക്കുന്ന ഈ മത്സരം തെക്കൻ സംസ്ഥാനങ്ങളിലെ യോഗാസന പ്രതിഭകൾക്ക് ഒരു വലിയ വേദിയായി. 

യോഗാസനത്തിലൂടെ വിദ്യാർത്ഥികളുടെ മാനസിക–ശാരീരിക വളർച്ച പ്രോത്സാഹിപ്പിക്കുകയെന്നതാണ് ചാമ്പ്യൻഷിപ്പിന്റെ ലക്‌ഷ്യം വച്ചുള്ള പരിപാടിയിൽ  വിദ്യാർത്ഥികളുടെ പങ്കാളിത്തം സജീവമായിരുന്നു. 500-ലധികം വിദ്യാർത്ഥികൾ വിവിധ സ്കൂളുകളിൽ നിന്ന് പങ്കെടുത്തത് ഈ മത്സരത്തെ ഈ പ്രദേശത്തെ ഏറ്റവും വലിയ യോഗ മത്സരങ്ങളിലൊന്നാക്കി. യോഗ മത്സര ഇനങ്ങൾ മൂന്ന് ഘട്ടങ്ങളായി സംഘടിപ്പിച്ചു.  ആരോഗ്യമുള്ള മത്സരാത്മകതയെ പ്രോത്സാഹിപ്പിക്കുന്നവിധം വിദ്യാർത്ഥികൾ തമ്മിൽ പഠിക്കാനും ആത്മവിശ്വാസം വർധിപ്പിക്കാനും ഈ അവസരം ഏറെ സഹായകമായിരുന്നു. 

മത്സരത്തിന്റെ ഉദ്ഘാടനം കോട്ടയം ജില്ലാ സ്പോർട്സ് കൗൺസിൽ പ്രസിഡന്റായ ഡോ. ബൈജു വർഗീസ് ഗുരുക്കൽ നിർവഹിച്ചു. പ്രാർത്ഥനാഗാനത്തോടെ ആരംഭിച്ച പരിപാടിയിൽ  ആമുഖ പ്രഭാഷണം ശ്രീ. മാനിഷ് രാജ്, സെക്രട്ടറി – അഷ്ടാംഗ സ്കൂൾ ഓഫ് യോഗ & സ്പോർട്സ് യോഗാസന ട്രെയിനിംഗ് സെൻറർ നിർവഹിച്ചു. അധ്യക്ഷ പ്രസംഗം അഷ്ടാംഗ സ്കൂൾ ഓഫ് യോഗ & സ്പോർട്സ് യോഗാസന ട്രെയിനിംഗ് സെൻറർ പ്രസിഡന്റും ഏഷ്യൻ യോഗ റെഫറിയുമായ ശ്രീ. ജോമോൻ എസ്. നിർവഹിച്ചു. ശ്രീ. വി. പി. ലാലുമോൺ, മുൻ പ്രസിഡന്റ് – യോഗ അസോസിയേഷൻ ഓഫ് കോട്ടയം, ശ്രീ. സുഗുനൻ, പ്രസിഡന്റ് – യോഗ അസോസിയേഷൻ ഓഫ് കോട്ടയം, 

ശ്രീ. സിജോ ഫ്രാൻസിസ്, ഹെഡ് ഓഫ് ദ ഡിപ്പാർട്ട്മെന്റ് (Corporate Excellence), സെന്റ് ജൂഡ്‌സ് ഗ്ലോബൽ സ്കൂൾ, എന്നിവർ ആശംസകൾ അർപ്പിച്ചു സംസാരിച്ചു. 

വിദ്യാർത്ഥികൾക്ക് അവരുടെ യോഗാസന കഴിവുകൾ അവതരിപ്പിക്കാനും ആത്മവിശ്വാസം വളർത്തിക്കൊള്ളാനും ഈ മത്സരം ഒരു മികച്ച വേദിയായിരുന്നുവെന്ന് സെന്റ് ജൂഡ് ഗ്ലോബൽ സ്കൂളിൽ എത്തിച്ചേർന്ന നൂറിൽ പരം അധ്യാപകരും രക്ഷിതാക്കളും അഭിപ്രായപ്പെട്ടു. ആവേശപൂർണ്ണമായ പങ്കാളിത്തത്തോടെ പരിപാടി വിജയകരമായി നടത്തപ്പെട്ടു.